UFC 2024 жылдың соңғы айқасы: Ковингтон мен Бакли көз түйістіру рәсімін өткізді

ММА Бүгін 01:00

Аружан Темірбек

sports24 сарапшы

14-15 желтоқсанға қараған түні Тампада 2024 жылғы UFC-дің соңғы турнирі өтеді.

Кештің басты жекпе-жегінде жартылай орта салмақтағы бұрынғы уақытша чемпион Колби Ковингтон мен дивизионның рейтингісінде 9-орында тұрған Хоакин Бакли кездеседі.

Бүгін ресми салмақ өлшеу рәсімі өтті, онда қос спортшы да бірдей салмақ көрсетті — 77,56 кг.

36 жастағы Ковингтон (17-4) соңғы рет 2023 жылдың желтоқсанында Леон Эдвардсқа чемпиондық белбеу үшін өткен айқаста жеңіліс тапқан еді. Ал 30 жастағы Бакли (20-6) қатарынан бес жеңіс сериясымен бұл жекпе-жекке үлкен дайындықпен келіп отыр.