Тымақ пен бешбармақ: Шавкат Рахмонов арқасында америкалық журналист қазақ дәстүріне тәнті болды
UFC жауынгері Шавкат Рахмонов (18-0) америкалық танымал спорт журналисі Ариэль Хельванидің YouTube-тағы The Ariel Helwani Show бағдарламасына сұқбат берді.
Сұқбат барысында бағдарлама продюсері Конор Буркс қазақтың дәстүрлі бас киімі – тымақты киіп, қазақ мәдениетіне құрметін білдірді. Ол сондай-ақ АҚШ-тағы қазақ мейрамханасына барып, ұлттық тағам – бешбармақтың дәмін алғаш рет татып көргенін айтты. Шавкат Рахмонов продюсерге ризашылығын білдіріп, тымақтың оған өте жарасатынын атап өтті.
Шавкат Рахмонов 8 желтоқсанда UFC 310 турнирінде ирландиялық Иэн Гэрримен (15-0) бес раундтық жекпе-жек өткізеді. Жартылай орта салмақ дәрежесінің рейтингінде Шавкат 3-орында тұрса, Гэрри 7-орынды иеленген.
Айта кетейік, Шавкат Рахмонов бұған дейін 2023 жылдың желтоқсанында америкалық Стивен Томпсонды (17-8-1) екінші раундта техникалық нокаутпен жеңіп, жарқын жеңіске қол жеткізген болатын.
Шавкат Рахмонов әртүрлі аспектілер бойынша үздік файтерлерді атады.
