Шавкат Рахмонов жазылушыларына 80 мың теңгеге жекпе-жекке шақырды

ММА Бүгін 01:24

Марлен Аманов

sports24 сарапшы

Қазақстандық UFC жауынгері Шавкат Рахмонов (18-0) әлеуметтік желідегі жазылушыларын қызықты ұсыныспен таңғалдырды.

“80 мың теңгеге бір-бірден жекпе-жекке кім шығады?” – деп жазды Шавкат өзінің суретінің астына. Бұл жазба жанкүйерлер арасында қызу талқыға түсті.

Еске салайық, Шавкат октагонға оралуға дайындалуда. 7 желтоқсан күні АҚШ-тың Лас-Вегас қаласында өтетін UFC 310 турнирінде ол жеңіліс көрмеген ирландиялық Иэн Мачадо Гэрриге (15-0) қарсы шығады. Бұл жекпе-жек кештің қосымша басты оқиғасы болмақ және бес раундқа жоспарланған. Жеңіліс көрмеген екі спортшы арасындағы шиеленісті жекпе – жек күтілуде.