Шавкат Рахмонов UFC 310 турнирінде кімдер жекпе жекке шығудан бас тартқанын айтты
ММА
02 жел 2024 23:18
Асылхан Тоқсанбек
sports24 сарапшы
ФОТО: gettyimages.com
Жартылай орта салмақта жеңіліп көрмеген қазақстандық спортшы Шавкат Рахмонов UFC 310 турнирінде жекпе-жек өткізу үшін ұйымның нигериялық экс-чемпион Камару Усманға, америкалық Колби Ковингтонға және бразилиялық Карлос Пратеске ұсыныс жасағанын айтты.
“Менің білуімше, олар бұл жекпе-жекті осы спортшыларға ұсынған. Алайда Колби бірден бас тартты, Пратес жарақат алып қалған, ал Камару бастапқыда келіскенмен, кейін бұл ұсыныстан бас тартты”, — деп келтіреді Рахмоновтың сөзін Submission Radio әлеуметтік желідегі Х парақшасында .
Еске сала кетейік, Гарри мен Рахмонов арасындағы жекпе-жек 8 желтоқсанда Лас-Вегаста өтетін UFC 310 турнирінің қосалқы басты оқиғасы болмақ.
Танымал жаңалықтар
