Шавкат Рахмонов уақытша титулға таласатын қарсыласын анықтады

ММА Бүгін 01:33

Асылхан Тоқсанбек

sports24 сарапшы

DAR Team хабарламасына сәйкес, UFC 310 турнирінде Шавкат Рахмоновтың (18-0) қарсыласы ирландиялық Иэн Мачадо Гэрри (15-0) болады.

Дереккөздің айтуынша, бұл жекпе-жекте жартылай орта салмақтағы промоушеннің "уақытша" чемпионы атағы сарапқа салынады. Рахмонов пен Гэрри арасындағы жекпе-жек UFC 310 турнирінің басты оқиғасы болып, Лас-Вегаста 8 желтоқсан күні өтеді.

Еске салайық, бастапқыда Шавкат Рахмонов Белал Мухаммадпен (АҚШ) негізгі титул үшін күресуі тиіс еді, бірақ америкалық спортшы аяқ сүйегіндегі инфекцияға байланысты жекпе-жектен бас тартты. Белалды алмастыруға экс-чемпион Камару Усман қарастырылды, бірақ ол қысқа мерзімде жекпе-жекке шықпайтынын мәлімдеді.