Лора САНКО: "Мен Шавкатқа шын жүректен тәнтімін"

ММА Кеше 12:50

Аружан Темірбек

sports24 сарапшы

ESPN журналисі және комментаторы Лора Санко “Спорт Шредингера” порталына берген сұқбатында Шавкат Рахмоновты UFC-тің ең мықты файтерлерінің қатарына қосып, өзінің топ-5 тізімінде бірінші орынға қойды.

“Бірінші орында, ешқандай күмәнсіз, Шавкат Рахмонов. Екінші орында — Джон Джонс. Кейінгі орындарда Ронда Роузи мен Вэйли Жанг тұр. Ал үздік бестікті Макс Холлоуэй түйіндейді,” — деді Санко.

Лораның айтуынша, ол Шавкатқа деген құрметін оның UFC-ге дейінгі мансабында-ақ қалыптастырған. Ол Рахмоновтың сабырлы мінезін, дәстүрге және мәдениетке деген құрметін жоғары бағалайтынын атап өтті.

“Мен Шавкатқа шын жүректен тәнтімін. Ол тек керемет файтер ғана емес, сондай-ақ өте қарапайым және сабырлы адам. Оның салқынқандылығы мен өз дәстүріне деген құрметі маған үлкен әсер қалдырады,” — деп бөлісті Лора.

Сонымен қатар, Санко қазақ тілін үйрену қиын екенін мойындады, бірақ Шавкат пен оның мәдениетіне деген құрмет белгісі ретінде бірнеше сөздерді жаттап алуға тырысатынын айтты.