Конор Макгрегор қырғызстандық спортшыны тарихтағы ең үздік деп атады

ММА 13 мам 2025 03:22

Абылай Сеитов

Журналист

UFC-дің қос салмақтағы бұрынғы чемпионы Конор Макгрегор Қырғызстан атынан өнер көрсететін Валентина Шевченкоға жоғары баға берді. Әлеуметтік желідегі жазбасында ирландиялық файтер оны ММА тарихындағы ең мықты әйел спортшы деп атады.

«Валентина Шевченко – нағыз ғажайып! Керемет әйел-боец. Мен үшін ол – тарихтағы ең ұлы әйел файтер», – деп жазды Макгрегор.

Айта кетейік, Валентина Шевченко UFC 315 турнирінде француз Манон Фиороны жеңіп шықты. Қазіргі таңда 37 жастағы спортшының кәсіби мансабында 25 жеңіс және 4 жеңіліс бар.

UFC 315: Джек Делла Маддалена чемпион атанды, Шавкат Рахмонов титулды жекпе-жекке бір қадам жақын.