Камару Усман келесі жекпе-жегі туралы мәлімдеме жасады

ММА Бүгін 00:54

Асылхан Тоқсанбек

sports24 сарапшы

UFC бұрынғы жартылай орта салмақтағы чемпионы Камару Усман жақында октагонға қайта оралатанынын хабардар етті .

Тыныштықты бұзушы! Жақында мен келемін, — деп жазды нигериялық спортшы әлеуметтік желіде, бірнеше жаттығу суретін жариялап.

Камару Усман соңғы рет октагонға өткен жылдың қазан айында шықты, сол кезде ол орта салмақтағы жекпе-жекте Хамзат Чимаевке төрешілердің көпшілік даусымен жеңілді. Ал одан бұрын Усман Леон Эдвардсқа қарсы екі титулдық жекпе-жегінде жеңіліс тапқан еді.

Бұған дейін Шавкат Рахмоновтың менеджері Саят Абдрахманов, Белал Мухаммадтың ауруы себебінен жекпе-жектен шығып қалғанын айтып, Камару Усманның оның орнын басып, 7 желтоқсанда Лас-Вегаста өтетін UFC 310 турнирінде Рахмоновтың қарсыласы болуы мүмкін екенін хабарлаған еді.

Болжам бойынша, Камару Усман мен Шавкат Рахмонов арасындағы жекпе-жекте UFC жартылай орта салмақтағы уақытша чемпиондық белбеу қойылуы мүмкін.

Қазіргі уақытта Камару Усман мен Шавкат Рахмонов UFC-нің жартылай орта салмақ дивизионында екінші және үшінші орындарда тұр.