Ислам Махачев пен Арман Царукян арасындағы көптен күткен жекпе-жектің уақыты жарияланды
UFC президенті Дана Уайт жеңіл салмақтағы чемпион Ислам Махачев пен рейтингтің бірінші нөмірі Арман Царукян арасындағы жекпе-жекті ресми түрде жариялады.
Қос жеңіл салмақ өкілдерінің кездесуі 2024 жылдың 18 қаңтарында Лос-Анджелесте (АҚШ) өтетін UFC 311 турнирінің басты оқиғасы болмақ. Бұл жекпе-жекте Махачев чемпиондық атағын төртінші рет қорғамақ. Бұған дейін, 2019 жылдың сәуірінде, олар UFC Fight Night 149 турнирінде кездесіп, Махачев төрешілердің шешімімен жеңіске жеткен еді. Царукян бұл жолы чемпиондық белбеуді жеңіп алуға алғашқы мүмкіндігін иеленсе, оның кәсіби рекорды 22 жеңіс және 3 жеңілістен тұрады. Ал Махачевтің көрсеткіші – 26 жеңіс пен 1 жеңіліс.
UFC 311 турнирінде тағы бір чемпиондық жекпе-жек өтеді. Ең жеңіл салмақ дәрежесінде титул иегері грузин спортшысы Мераб Двалишвили өз белбеуін дивизионның екінші нөмірі Умар Нурмагомедовке қарсы жекпе-жекте алғаш рет қорғайды. Умар – аты аңызға айналған Хабиб Нурмагомедовтың немере інісі. Ол биыл наурыз айында қазақстандық Бекзат Алмаханмен кездесіп, жеңіске жеткен болатын.
Шавкат Рахмоновтың баспасөз мәслихаты: Гэрри, титул және Головкин туралы.
Футбол
Бүгін 14:04
Баскетбол
Бүгін 13:41
Футбол
Бүгін 12:47