Илия Топурия қайта оралады: UFC 317 турнирінде чемпиондық белбеу үшін жекпе-жек өтеді
Аралас жекпе-жек шебері, грузиялық Илия Топурия UFC-дің жартылай жеңіл салмақ (65 келіге дейін) санатындағы бұрынғы чемпионы ретінде кезекті жекпе-жегін 29 маусымда АҚШ-тың Лас-Вегас қаласында өтетін UFC 317 турнирінде өткізеді.
Бұл ақпаратты инсайдер Альваро Колменеро таратты. Оның айтуынша, Топурия Халықаралық жекпе-жек апталығы аясында октагонға шығады және бұл кездесу чемпиондық белбеу үшін өтпек.
– «Маған Топурия International Fight Week кезінде октагонға шығады деп айтты. Бұл – титулдық жекпе-жек», – деп жазды Колменеро әлеуметтік желіде.
28 жастағы Илия Топурия UFC-дегі мансабын 2020 жылы бастаған. 2025 жылдың ақпан айында өткен UFC 298 турнирінде ол австралиялық Алекс Волкановскиді екінші раундта нокаутқа жіберіп, чемпиондық белбеуді жеңіп алған болатын. Кейінірек, Абу-Дабиде өткен UFC 308 турнирінде америкалық Макс Холлоуэйді үшінші раундта нокаутпен жеңіп, титулын сәтті қорғады.
Футбол
Кеше 23:21
