Иэн Гэрри Шавкат Рахмоновпен болатын жекпе-жек туралы айтты

ММА Бүгін 14:40

Нұрбақыт Қадырбаев

sports24 сарапшы

Ирландиялық спортшы Иэн Гэрри (15-0) 2024 жылы 7 желтоқсанда Невада штатының Лас-Вегас қаласында UFC 310 турнирінде Шавкат Рахмоновқа (18-0) қарсы октагонға шығады.

"Мен қазір Таиландта басқа жекпе-жекке дайындалып жатқанмын. Енді мен бүкілін ауыстырып, 1 апта бұрын Лас Вегаста төбелесетін боламын.

Енді мені тәуекелге бармайды деп ешкім айта алмайды. Енді бәрі бұл жігіттің кез келген уақытта, кез келген жерде кез келген адаммен күресуге шынымен дайын екенін айтады. Маған бүкіл жартылай орта салмағын қорқытатын жігітті беріңдерші! Мен үш аптадан кейін жекпе-жекке шығуға дайынмын. Мен оны жеңудің жолын табамын", - деді Гэрри әлеуметтік желідегі видеода.

Гэрри бастапқыда Тампадағы турнирде Хоакин Баклимен (20-6) жұдырықтасуды жоспарлаған, бірақ оның қарсыласы енді Рахмонов болады, ал Баклиді Колби Ковингтон (17-4) алмастырады. Өз кезегінде Шавкат Рахмонов бас титул үшін, оның қазіргі иесі америкалық Белал Мұхаммедпен жұдырықтасуы керек еді, бірақ америкалық денсаулығына байланысты жекпе-жектен бас тартты.