Хамзат Чимаев ТМД елдерінен шыққан ең үздік бес файтерді атады
Ресейлік аралас жекпе-жек шебері Хамзат Чимаев (84 кг дейін) ТМД елдерінен шыққан ең үздік файтерлер туралы пікірін білдірді.
Чимаев UFC лигасында жеңіліссіз келеді, 14 жекпе-жектің барлығында жеңіске жетіп, 12-сін мерзімінен бұрын ұтқан. Қазіргі уақытта ол әлемдік рейтингте орта салмақ дивизионында үшінші орында.
"Мен бірінші орынға Ислам Махачевті қоямын. Ол қазір P4P рейтингінде бірінші орында. ТМД-дан тағы кімдер бар? Барлығын танымаймын, бірақ Шавкат Рахмонов та назар аударуға лайық, ол жақында чемпиондық титул үшін күреседі. Шарабутдин Магомедовты атап өтуге болады, ол UFC-дегі жаңа жұлдыз. Әрине, Петр Янды да ұмытпағанымыз жөн, бұрынғы чемпион. Ал бесінші орынға Арман Царукянды қоямын", - деді Чимаев "Adam Zubayraev" YouTube-арнасына берген сұхбатында.
Еске салсақ, Шавкат Рахмонов 7 желтоқсанда америкалық Белал Мухаммадпен чемпиондық титул үшін кездесуі тиіс болатын, алайда Мухаммадтың жарақаты салдарынан жекпе-жек кейінге шегерілді. Оның орнына казахстандық файтер ирландиялық Иан Гэрримен кездесетін болады.
Петр Ян күтпеген қарсыластан жекпе-жек өткізуге ұсыныс алды.
Басқа спорт түрлері
Бүгін 05:41
Хоккей
Бүгін 04:26