Белгілі жауынгер Рахмоновқа қарсы жекпе-жекте Гэрридің бұрышында болады
Бұрынғы жеңіл салмақтағы UFC чемпионы Чарльз Оливейра Шавкат Рахмоновқа қарсы жекпе-жекте Иэн Гэрридің бұрышында болады. Бұл туралы ирландиялықтың өзі жанкүйерлердің сұрақтарына жауап берген кезде айтты.
"Чарльз Оливейра – менің сүйікті UFC жауынгерім. Ол тартысты, әрі үнемі керемет жекпе-жек өткізеді. Ол алдағы жекпе-жекте менің бұрышымда болады", - деді Шавкаттың қарсыласы.
Естеріңізге сала кетейік, Рахмон – Гэрри жекпе-жегі 8 желтоқсан күні таңертең Лас-Вегаста (АҚШ) өтеді. Бұл жекпе-жектің жеңімпазы Билал Мұхаммедке тиесілі жартылай орта салмақтағы чемпиондық атаққа үміткер болады.
Оливейраға келетін болсақ, ол өткен айда Майкл Чандлерді төрешілер шешімімен жеңді. Чарльздің келесі жекпе-жегі чемпиондық болуы мүмкін.
Рахманов пен Гэрридің жекпе-жектен қандай гонорар алатыны бұрын хабарланған болатын.
Футбол
Бүгін 14:04
Баскетбол
Бүгін 13:41