Аустралиялық жұлдыз: Джек Делла Маддалена UFC 315 турниріндегі жеңістен кейін UFC-дің Pound-for-Pound рейтингінің үздік ондығына енді

ММА 13 мам 2025 08:26

Арсен Алиев

Редактор

Канада, Квебек қаласында өткен UFC 315 турнирінен кейін UFC ұйымы салмақ дәрежесіне қарамастан үздік файтерлердің жаңартылған Pound-for-Pound рейтингін жариялады.

Бұл тізімдегі басты жаңалық - жартылай орта салмақта чемпион атанған аустралиялық Джек Делла Маддаленаның (18 жеңіс, 2 жеңіліс) үздік ондыққа кіруі болды.

Аталған турнирде Маддалена америкалық Белал Мұхаммедті (24-4) сенімді түрде жеңіп, төрешілердің бір ауыздан шығарған шешімімен жеңіске жетті. Бұл жетістік оған тек чемпиондық белбеуді ғана емес, UFC-дің жалпы рейтингінде 9-орын иеленуге де мүмкіндік берді. Ол бұл арқылы бірнеше танымал жұлдыздарды басып озды.

2025 жылдың 13 мамырындағы UFC Pound-for-Pound рейтингі:

1. Ислам Махачев (Ресей)
2. Джон Джонс (АҚШ)
3. Илия Топурия (Грузия)
4. Мераб Двалишвили (Грузия)
5. Дрикус дю Плесси (ОАР)
6. Магомед Анкалаев (Ресей)
7. Александр Волкановски (Аустралия)
8. Алекс Перейра (Бразилия)
9. Джек Делла Маддалена (Аустралия)
10. Александр Пантожа (Бразилия)

ESPN басылымының хабарлауынша, қазан айына жартылай орта салмақта чемпиондық жекпе-жек алдын ала жоспарланып отыр. Онда Джек Делла Маддалена жеңіл салмақтың қазіргі чемпионы - Ислам Махачевпен кездесуі мүмкін. Сонымен қатар, қазақстандық Шавкат Рахмонов пен америкалық Шон Брэди арасында үміткерлік кездесу өтпек. Бұл жекпе-жектің жеңімпазы келесі титулдық жекпе-жекке жолдама алуы ықтимал.