Артем Резников қазақстандық файтерлердің хейтерлері жайлы

ММА 03 сәу 2025 03:58

Аружан Темірбек

Редактор

Қазақстандық ММА файтері Артем Резников (25-9) UFC-ге шыққан Асқар Алмабаев пен Дияр Нұрғожаевты қолдап, олардың соңғы жеңілістерінен кейін пікір білдірді.

Ол YouTube-тегі «Вестник ММА» арнасына берген сұқбатында отандастарына сәттілік тілеп, хейтерлерге назар аудармауға кеңес берді.

«Жігіттер UFC-де мықтылармен төбелесіп жатыр, жақсы өнер көрсетуде. Асуда төрт жеңістен тұратын серия болды, Дияр- Eagle FC ұйымының чемпионы. Мен оларға тек сәттілік тілеймін. Ал хейтерлерге мән бермеңдер. Жанкүйерлердің 70 пайызы - сенімсіз. Жеңсең - көкке көтереді, жеңілсең - таптап өтеді», -деді Резников.

2 наурыз күні UFC Vegas 103 турнирінде Асу Алмабаев Манель Капеден ұтылып қалды. Бұл жеңілістен кейін ол жеңіл салмақтағы рейтингте 9-орынға түсті, бірақ жақында 8-сатыға қайта көтерілді.

Ал Дияр Нұрғожаев өз дебютін Лас-Вегаста өткен Fight Night 254 турнирінде өткізді және Брендсон Рибейродан техникалық нокаутпен жеңілді. Бұған қоса, Дияр салмақ өлшеуде шектеуден асып кеткені үшін айыппұл төлеуге мәжбүр болды.