Жақсы бастағанымен, шыдай алмады. Барыс сырт алаңда Сибирьден ұтылды

Хоккей 17 нау 2025 10:55

Богдан Писаренко

Новосибирьскте "Сибирь" мен Астананың "Барысы" арасындағы Құрлықтық хоккей лигасының кезекті маусымдық ойыны аяқталды.

Қорытынды дабыл 3:2 есебімен алаң иелерінің жеңісін тіркеді.

Кездесуде бірінші болып "Барыс" хоккейшілері табысқа жетті – 6-минутта Дінмұхамед Қайыржан "Сибирь" қақпасына шайба соқты. Астаналықтар 15-минутқа дейін алда болды, бірақ Энди Эндрофф басымдықты пайдаланып, тең еаепті орнатты. 1:1. Көп ұзамай шайба "Барыстың" қақпасына тағы екі рет кіріп, командалар үзіліске 3:1 есебімен кетті.

Екінші кезеңде қазақстандықтар Бейбарыс Оразовтың күш-жігерінің арқасында тағы бір гол соғып, ойынға қайта оралды. 3:2. Өкінішке қарай, Ғалым Мәмбеталиев шәкірттері матчтың соңғы үштен бір бөлігінде жеңіске жете алмай, жеңіліп қалды.

ҚХЛ Шығыс конференциясының турнирлік кестесінде "Барыс" 66 ойыннан кейін 35 ұпаймен 12-орында қалды. "Сибирь" 66 кездесуден кейін 68 ұпаймен 7-орында.

20 наурыз күні "Барыс" өз алаңында турнирлік кестеде 5-ші орында тұрған "Ак Барсты" қабылдайды.

КХЛ тұрақты чемпионаты

Сибирь – Барыс – 3:2 (3:1, 0:1, 0:0)

Голдар: 0:1 — Қайыржан (Старченко, Бекетаев), 05:57; 1:1 — Эндрофф (Широков, Бек — басым.), 14:57; 2:1 — Гоголев (Белоусов, Аланов), 15:52; 3:1 - Коротков (Морозов), 17:25; 3:2 — Оразов (Сетдиков, Николишин), 38:05.