Торпедо шабуылшысы Алдабергенов аптаның үздік ойыншысы атанды

Хоккей 11 қара 2024 04:42

Аружан Темірбек

sports24 сарапшы

“Торпедо” командасының шабуылшысы Эрик Алдабергенов Pro Hokei Ligasy турнирінің тоғызыншы ойын аптасының үздік ойыншысы атанды, деп хабарлайды ҚХФ баспасөз қызметі.

Өткен аптада “Торпедо” өз алаңында “Алматы” командасымен екі кездесу өткізіп, 7:1 және 4:0 есебімен сенімді жеңіске жетті.

Алдабергенов алғашқы матчта дубль жасап, екінші ойында нәтижелі пас беріп, жалпы тиімділік көрсеткішін +4-ке жеткізді.

Қазіргі таңда “Торпедо” турнир кестесінде 24 ұпаймен екінші орынды иеленіп тұр.