Сәтсіздіктер тізбегі: Барыс қайтадан жеңіске жете алмады

Хоккей Бүгін 12:18

Богдан Писаренко

sports24 сарапшы

4-желтоқсан күні Астанада Құрлықтық хоккей лигасының (ҚХЛ) тұрақты чемпионаты аясында “Барыс” пен Мәскеудің “Спартак”командалары арасындағы кездесу өтті.

Өкінішке орай, матч “Барыс”үшін тағы да сәтсіз аяқталды – 2:4 есебі тіркелді.

Бұл Ғалым Мамбетәлиевтің шәкірттері үшін қатарынан алтыншы жеңіліс болды. Соңғы рет “Барыс” 20 қараша күні жеңіске жетті. Сол кездесуде олар өз мұз айдынында магнитогорлық “Металлург” командасын 2:1 есебімен ұтты.

Осыдан кейін команда жеңілістер тізбегін тоқтата алмады: “Амур” (0:3), “Авангард” (2:3, қосымша уақытта), “Сибирь” (0:2), магнитогорлық “Металлург”(0:2), ЦСКА (1:3) және енді “Спартак”(2:4).

Айта кетсек, бұған дейін мәлімделгендей, Антон Бурдасов “Барыс” пен “Спартак” арасындағы матчтың екінші жұлдызы деп танылды.