Степаненко мен Барбашев «Сарыарқаға» оралды
Қарағандының «Сарыарқа» хоккей клубы құрамын тәжірибелі екі ойыншымен толықтырды – қорғаушы Иван Степаненко мен шабуылшы Сергей Барбашев, деп хабарлады Shaiba.kz.
Өткен маусымда 29 жастағы Степаненко Қазақстан чемпионатында Ташкенттің «Хумо» командасының намысын қорғады. Ол тұрақты біріншілікте 21 ойын өткізіп, екі шайба салды. Плей-офф кезеңінде 12 кездесуге қатысып, екі нәтижелі пас берді.
Ал 32 жастағы шабуылшы Барбашев 2024/2025 жылғы маусымда Жоғары хоккей лигасындағы «Динамо-Алтай» сапында өнер көрсетті. Ол 54 матчта 21 ұпай жинады – сегіз гол және 13 нәтижелі пас.
Айта кетейік, Сергей Барбашев «Сарыарқа» жанкүйерлеріне бұрыннан таныс. Ол 2021/2022 жылғы маусымда қарағандылық клуб құрамында ойнаған. Сол кезде тұрақты чемпионатта екі матч өткізіп, ұпай жинамағанымен, плей-офф кезеңінде ерекше көзге түсті – 15 ойында 21 ұпай (7 гол және 14 пас).
Футбол
Бүгін 11:14
