Олег Болякин Әлихан Әсетовтың АҚШ құрамасына қарсы ойнамаған себебін түсіндірді

Хоккей 19 мам 2025 03:06

Арсен Алиев

Редактор

Қазақстан ұлттық хоккей құрамасының бас бапкері Олег Болякин элиталық дивизиондағы әлем чемпионатында АҚШ құрамасына қарсы өткен ойында шабуылшы Әлихан Әсетовтың не себепті қатыспағанын түсіндірді.

– «Әлиханның белі ауырып жүр. Бұл жарақаттың қаншалықты ауыр екенін нақты айта алмаймыз. Ертең демалыс күні, қажетті ем-дом шараларын жасап, жағдайын нақтылаймыз», – деді Болякин.

Топтық кезең аясындағы кезекті ойында Қазақстан құрамасы АҚШ командасынан 1:6 есебімен ойсырай жеңілді.

Келесі кездесу Олег Болякиннің шәкірттері үшін 20 мамыр, сейсенбі күні өтеді. Қазақстан құрамасы Швейцариямен күш сынасады. Матч Астана уақытымен сағат 15:20-да басталады.