Олег Болякин «Барысқа» қайтып оралуы жайлы пікір білдірді

Хоккей 28 сәу 2025 03:20

Абылай Сеитов

Журналист

Қазақстан құрамасының бас бапкері Олег Болякин астаналық «Барысқа» қайта оралуы жөніндегі қауесеттерге қатысты пікірін білдірді, деп хабарлайды Shaiba.kz.

— Сіздің «Барысқа» қайта оралуыңыз мүмкін деген әңгімелер жүр. Бұл қаншалықты шындық?

— Мен бұл жайлы ештеңе айта алмаймын, себебі бұл тақырыпта менімен ешкім сөйлескен жоқ. Мен үшін «Барыс» тақырыбы жабық.

— Өз еркіңізбен қайтқыңыз келе ме?

— Менің қалауым ештеңені шешпейді. Мысалы, мен бір қаланың әкімі болғым келуі мүмкін ғой (күледі). Бірақ бәрін басшылық шешеді, олар ережені де, стратегияны да анықтайды. Мен бұған дейін де айтқанмын – қайда тағайындаса, сол жерде жұмыс істеймін. Қазір менің басты мақсатым – команданы сапалы дайындау. Осы себепті біз ойыншыларды шақырып, бапкерлік құрамды күшейттік. Мақсат – әлем чемпионатында жақсы нәтиже көрсету.

Еске салайық, бұған дейін «Барыс» клубының бас директоры Нұрлан Оразбаев қызметінен кеткен болатын.