Немировский Барыстың бас бапкері қызметінен кетті: келесі бапкердің аты-жөні айтылды

Хоккей 23 қыр 2024 06:26

Хоккей журналисті Алексей Шевченко астаналық "Барысытың" басшылығы бас бапкер Дэвид Немировскийді бірқатар көңіл көншітпейтін нәтижелерден кейін жұмыстан шығару туралы шешім қабылдағанын хабарлады.

Канадалық маманның басшылығымен елордалық клуб ҚХЛ (Құрлықтық хоккей лигасы) тұрақты чемпионатының басында жеті ойынның алтауында жеңіліп, тек үш ұпай жинады.

Жеңілістер:

"Нефтехимик" 1:2 (ОТ)
"Трактор" 1:4
"Амур" 1:5
"Динамо" Минск 1:5
"Ак Барс" 0:5
"Витязь" 1:4

Жеңіс:

"Автомобилист" 2:1 (ОТ)

Немировскийдің мұрагері де белгілі болды. "Трансферы ҚХЛ" телеграм-арнасының ақпараты бойынша "Барыстың" бас бапкері лауазымына үміткерлердің бірі Вячеслав Буцаев болып табылады.

Буцаев, ойыншы ретінде, ТМД құрамасы құрамында 1992 жылғы Олимпиада ойындарының чемпионы, Ресей құрамасы құрамында 1993 жылғы әлем чемпионы атанды, ҰХЛ клубтары сапында өнер көрсеткен, ал бапкер ретінде ҚХЛ түрлі клубтарын басқарды. Жаттықтырушының соңғы клубы 2023 жылы Вячеслав отставкаға кеткен мәскеулік "Витязь" болды. Бірақ әзірге "Барыстың" бас бапкерінің міндетін уақытша атқарушы Евгений Королёв болады.

Естеріңізге сала кетейік, ертең астаналық клуб мәскеулік "Динамоға" қарсы үй матчын өткізеді. Ойын қазақстандық уақыт бойынша сағат 19:30-ға жоспарланған.

Танымал жаңалықтар