Майкл Маклаудқа ҚХЛ-дың бірнеше клубы қызығушылық танытуда, бірақ шешім қабылдауға асықпайды

Хоккей 21 қаз 2024 01:41

“Барыстың” бұрынғы шабуылшысы Майкл Маклаудқа ҚХЛ-дың бірнеше клубы қызығушылық танытуда. Бұл туралы “Спорт-Экспресс” спорт шолушысы Михаил Зислис хабарлады.

"Канадалық шабуылшы Майкл Маклаудтың жағдайы өте қарапайым: “Барыспен” келісімшартты бұзғаннан кейін оған ҚХЛ-дың 6-7 клубы қызығушылық танытты, бірақ жақын арада ойыншы ешбір клубпен келісімшартқа отыруды жоспарламайды. Ол үйіне оралып, танымал сот ісіне қатысты өз мәселелерін реттеумен айналысатын болады. Барлығы қалай аяқталатынын болжау қиын. Әртүрлі қауесеттер тарауда, оның ішінде жағымсыздары да бар. Егер жағдай сәтті аяқталса, Маклауд ҚХЛ-дегі болашағы туралы шешімді желтоқсан айына қарай қабылдайды”, — деп жазады Зислис.

Айта кетейік, Майкл Маклауд “Барыс” сапында 16 матч өткізіп, команданың басшылық пен бапкерлік штабы өзгергеннен кейін кетті.

Бұған дейін Вячеслав Буцаев өзінің қызметтен кетуі мен “Барыстағы” жаңа бас бапкердің тағайындалуына қатысты пікір білдірген болатын.

Танымал жаңалықтар