Хоккейден Қазақстан жасөспірімдер құрамасы екі жолдастық матч өткізеді

Хоккей 13 сәу 2025 03:00

Наурызбай Қанатұлы

Шайбалы хоккейден Қазақстан 18 жасқа дейінгі жасөспірімдер құрамасы әлем чемпионаты бірінші дивизионының А тобындағы ойындары алдында екі жолдастық кездесу өткізеді.

12 сәуірде Қазақстан құрамасы Венгрияға барып, әлем чемпионатына дайындық жұмыстарын бастады. Дайындық аясында қазақстандық хоккейшілер 15 сәуірде Венгрия, 17 сәуірде Австриямен жолдастық матч өткізуді жоспарға енгізген.

Венгрияның Секешфехервар қаласында өтетін әлем чемпионаты 20-26 сәуір аралығында өтеді. Қазақстан құрамасы А тобында Аустрия, Дания, Венгрия, Словения және Украинамен кездеседі.

Қазақстан жастар құрамасы хоккейден әлем чемпионаты алдындағы бақылау кездесуінде «Номадқа» жеңілді