Хоккейден Қазақстан әйелдер құрамасы Қытайды жеңіп, Азия ойындарының финалдық кезеңінде екінші орынға көтерілді

Хоккей 13 ақп 2025 02:55

Аружан Темірбек

sports24 сарапшы

Қазақстан әйелдер құрамасы Қытай командасын 2:1 есебімен ұтып, турнирлік кестенің финалдық тобында екінші орынға жайғасты.

Жеңімпаздар сапында шайбаларды Надежда Филимонова (сан басымдығында) және Александра Шегай соқты.

Қытай Қазақстан - 1:2 (0:0, 0:1, 1:1)

Шайбалар: 0:1 – Филимонова (Шегай, Оразбаева) – 35:29; 1:1 – Ван Цзясин (Цюй Юэ) – 42:36; 1:2 – Шегай (Оразбаева) – 48:37

Қазақстан құрамасы екі ойыннан кейін үш ұпай жинап, екінші орынға көтерілді. Қазір көш басында 6 ұпайы бар Жапония құрамасы тұр, ал Қытай үш ұпаймен үшінші орында.

Жұма күні шешуші үшінші тур ойындары өтеді. Бұл матчтар жүлделерді саралауда маңызды рөл атқарады. Қазақстан құрамасы финалдық кезеңде екі рет жеңілген Оңтүстік Кореямен кездеседі.

Алтынға бір қадам! Қазақстан Қытайды сүріндіріп, финалға жолдама алды