ҚХЛ кестесі. Барыстың Авангардтан жеңілгеннен кейінгі жағдайы қандай

Хоккей Бүгін 03:39

Богдан Писаренко

sports24 сарапшы

24 қарашада Құрлықтық хоккей лигасының тұрақты чемпионатының кезекті матчында астаналық "Барыс" өз алаңында Омбыдан келген "Авангардпен" кездесті.

Кездесу қонақтардың овертаймдағы жеңісімен аяқталды – 3:2.

"Барыс" ҚХЛ Шығыс конференциясының турнирлік кестесінде 30 ойыннан кейін 21 ұпаймен 11-ші орында тұр. Астаналықтардан кейін 15 ұпайы бар" Амур" ғана тұр.

Конференцияда 42 ұпайы бар "Трактор" көш бастап келеді. Плей-оффқа қатысуға мүмкіндік беретін 8-ші позицияны 26 ұпаймен "Авангард" жауып тұр.

27 қарашада "Барыс" "Сібірмен" (9-орын, 25 ұпай) ойнайды.

Бұған дейін Әділ Бекетаевтың "Авангард" қақпасына соққан голы ҚХЛ-дағы аптаның топ-10 қатарына енгені хабарланған болатын.