Буцаев Ладаның бас бапкері қызметіне үміткер ретінде қарастырылуда

Хоккей Бүгін 02:54

Аружан Темірбек

sports24 сарапшы

Ресейлік бапкер Вячеслав Буцаевтың қай клубта мансабын жалғастыруы мүмкін екені белгілі болды. Ол жақында ғана елордалық “Барыс” командасында жұмыс істеген болатын.

“ТрансферыКХЛ|ХОККЕЙ” телеграм-арнасының мәліметінше, Буцаев Тольятти қаласының “Лада” командасының бас бапкері атануы мүмкін. Қазіргі уақытта бұл команда Құрлықтық хоккей лигасының (ҚХЛ) Шығыс конференциясында 27 ойыннан кейін 25 ұпай жинап, тоғызыншы орында тұр.

Еске сала кетейік, Вячеслав Буцаев “Барысты” қыркүйек айында басқарып, Дэвид Немировскидің орнына келген болатын. Ресейлік маманмен келісімшарт осы маусымның соңына дейін жасалған еді. Алайда қазан айында “Барыс” басшылығында орын алған өзгерістерден кейін Буцаев командадан кетті.