Барыстың жаттығулардан шеттетілген легионерлерінің агенті клубтағы былық туралы мәлімдеме жасады
"СЭ" басылымының хабарлауынша, сәрсенбі күні "Барыс" шабуылшылары Уэйд Эллисон мен Чейз Де Леоны жаттығулардан шеттеді.
Бұл жағдайға ойыншылардың агенті Алеша Пилко дереу пікір білдірді.
"Оларды жаттығулардан шеттетті, бірақ мен мұндай қарым-қатынасты түсіне алмаймын. Әрине, ойын бойынша сұрақтар бар, бірақ ол тек легионерлерге емес, бүкіл командаға қатысты. ҚХЛ-ге алғаш келген шетелдік ойыншыларға бейімделу үшін уақыт қажет. Өз тәжірибемнен айтарым, бұл 20 ойынға дейінгі уақытты алады.
Иә, кейбіреулерге бейімделу тезірек мүмкін болады. Бірақ "Сібірдегі" Энди Андреоффтың қалай басталғанын еске түсіріңіздер. Алғашқы 17 матчта ол бар болғаны 5 ұпай жинады. Бірақ кейін формасын жинап, командадағы үздік ойыншы атанды. Қазір де ол өте жақсы ойнап жүр. Рид Бушенің мысалын келтіре аламын. Ол да алғашында жақсы бастамаған, бірақ қазір ҚХЛ-дің басты жұлдыздарының бірі саналады. Оны "Авангардтан" бір айдан кейін алып тастаған болса, не болар еді? Шыдамдылық таныту керек.
Команданың қорғанысында былық болып жатыр. "Торпедодан" 1:10 есебімен ұтылғаннан кейін шабуылшыларды кінәлау мен үшін түсініксіз. Қорғаушылардың ішінде тек Бутчер ғана тапсырмаларға сай ойнап жүр, бірақ оған да бейімделу үшін уақыт керек", — деп түсініктеме берді хоккейшілердің агенті.
Еске сала кетейік, "Барыс" 11 матчтан кейін 5 ұпаймен ҚХЛ-дың Шығыс конференциясының турнир кестесінде соңғы орында тұр. 3-7 қазан аралығында астаналық клуб үш сырт алаңдағы ойын өткізеді.
Сырт алаңға шығатын құрам белгілі болды.
Баскетбол
Бүгін 13:00