Барыстың бұрынғы ойыншысы Джозеф Лабейт НХЛ клубына ауысты
Астаналық "Барыстың" экс-шабуылшысы Джозеф Лабейт НХЛ-дың "Коламбус Блю Джекетс" командасымен келісімшартқа қол қойды. Бұл туралы Sports.kz порталы хабарлады.
31 жастағы америкалық хоккейшінің жаңа келісімі 2024/25 маусымының соңына дейін жарамды болады.
Өткен маусымда Лабейт "Барыс" сапында өнер көрсетіп, команда үшін 49 матч өткізіп, 18 (8 гол + 10 пас) ұпай жинады. Кейін ол АҚШ-қа оралып, АХЛ-дың "Кливленд Монстерз" клубында ойнады. Ағымдағы маусымда хоккейші американдық команда үшін бес матчқа қатысып, бір шайба соғып, үш нәтижелі пас берді.
НХЛ-дегі "Коламбус Блю Джекетстің" қазіргі жағдайына келсек, команда 21 матчтан кейін Шығыс конференциясының турнирлік кестесінде 12-орында тұр.
Қазақстан ұлттық құрамасының ойыншысы Михайлис Ресей клубыннан кетуі мүмкін.
