Барыс құрамындағы соңғы америкалықпен қоштасты

Хоккей 07 қара 2024 09:30

Марлен Аманов

sports24 сарапшы

“Барыс” ХК Коннор Смитпен келісімшарт бұзылғанын хабарлады.

Шабуылшымен келісімшарт тараптардың өзара келісімі бойынша өтемақы төлеу арқылы бұзылды. ҚХЛ-дің ағымдағы тұрақты чемпионатында Смит 9 матч өткізіп, нәтижелі әрекеттерімен көзге түспеген болатын.

Бұған дейін “Барыс” құрамынан ресейлік немесе қазақстандық азаматтығы жоқ барлық дерлік ойыншылар кеткен еді, қазіргі уақытта тек швед қақпашысы Юхан Маттссон ғана қалды. Құрамнан канадалықтар Натан Больё, Алекс Грант, Майкл Маклауд және Уэйд Эллисон, сондай-ақ АҚШ өкілдері Чес ДеЛео мен Уилл Бутчер кеткен болатын.