Қазақстанның әйелдер хоккей құрамасы Азия чемпионатында үшінші орынға ие болды

Хоккей 03 қара 2024 10:18

Асылхан Тоқсанбек

sports24 сарапшы

Қазақстан әйелдер хоккей құрамасы Қытайдың Бейжің қаласында өтіп жатқан Азия чемпионатында қола медаль жеңіп алды.

Соңғы ойында біздің хоккейшілер Оңтүстік Кореяға қарсы ойнады.

Бұл кездесуге дейін екі құрама да Қытай мен Жапонияға есе жіберген еді. Негізгі уақыт 4:4 есебімен аяқталды. Қосымша уақытта да жеңімпаз анықталмады. Нәтижесінде Қазақстан құрамасы буллиттер сериясында жеңіске жетіп, чемпионатты үшінші орынмен аяқтады.

Айта кетейік, Қытай және Жапония қүрамалары бірінші орынды сарапқа салатын болады.