Қазақстан әйелдер құрамасының хоккейден әлем чемпионатындағы ойын кестесі

Хоккей 02 сәу 2025 00:33

Асылхан Тоқсанбек

Редактор

9-15 сәуір аралығында Ұлыбританияның Дамфрис қаласында хоккейден әйелдер арасындағы әлем чемпионатының IB дивизионы өтеді.

Қазақстан құрамасы IA дивизионына өту үшін Корея, Италия, Ұлыбритания, Латвия және Словения командаларымен сынға түседі.

Қазақстанның алғашқы матчы 9 сәуірде Корея құрамасына қарсы сағат 17:00-де Астана уақытымен өтеді. Келесі күні, 10 сәуірде, біздің хоккейшілер Италия құрамасымен ойнайды.

13 сәуірде команда екі матч өткізеді: 12-нен 13 сәуірге қараған түні Ұлыбританиямен, ал 20:30-да Латвиямен кездеседі. Қазақстан құрамасының соңғы матчы 15 сәуірде Словенияға қарсы өтеді.

​2025 жылдың 26 және 27 сәуірінде Қарағанды қаласында «1XBET Hokei Meiramy 2025» хоккей мерекесі өтеді.