Авангард Барыстың және Қазақстан құрамасының бұрынғы көшбасшысымен келісімшартты бұзды

Хоккей Кеше 13:14

Нұрбақыт Қадырбаев

sports24 сарапшы

“Авангард” екі тараптың келісімі бойынша қорғаушы Даррен Дицпен келісімшартты бұзғанын ресми түрде жариялады.

Осы жылдың мамыр айында ойыншы екі жылдық келісімшартқа отырып, “Авангардқа” ауысты. Жалпы осы маусымда 18 ойында 4 (1+3) ұпай жинады. Бұған дейін ҚХЛ-да “Барыс” пен “ЦСКА” сапында ойнаған. Ол лигада барлығы 446 кездесу өткізіп, 233 (88+145) ұпай жинаған болатын.

Естеріңізге сала кетейік, 2023 жылы республикалық Ішкі істер министрлігі оның Ресей азаматтығы барын анықтаған соң, ол Қазақстан азаматтығынан айырылған болатын. Заң бойынша Қазақстан азаматында басқа мемлекеттің төлқұжаты бола алмайды.