Португалия-Қазақстан: Матчтың үздік ойыншысы анықталды

Футзал 26 қыр 2024 15:00

Қазақстан футзал құрамасының капитаны әрі қақпашысы Лео Игита Португалияға қарсы өткен Әлем чемпионатының 1/8 финалында (2:1) матчтың үздік ойыншысы атанды. Бұл турнир барысында қақпашының алған екінші марапаты. Испанияға қарсы турнирдің алғашқы ойынында Игита бұл жүлдені алғаш рет алды.

Қазақстан құрамасының капитаны 4 ойын өткізіп, 3 гол жіберіп алды және екі рет “матчтың үздік ойыншысы” атанды.

Айта кету керек, Қазақстан құрамасы соңғы минуттарда Португалия құрамасынан жеңісті жұлып әкетті. Португалия қазіргі таңда Әлем чемпионы атағына ие болғанымен, өз титулын қорғай алмады. Ал Қазақстан құрамасының 2024 жылғы Әлем чемпионатындағы ойындарына келсек, Рикардо Кака шәкірттері топтық кезеңде Испаниямен тең ойнап (1:1), Ливияны (4:1) және Жаңа Зеландияны (10:0) ірі есеппен жеңді.

Ширек финалда Қазақстан Аргентина мен Хорватия арасындағы матчтың жеңімпазымен кездеседі.

Танымал жаңалықтар