Игита: "Бұл сенсация емес, бұл еңбек пен тәртіптің нәтижесі"

Футзал 26 қыр 2024 15:36

Қазақстан құрамасының капитаны Игита 2024 жылғы футзалдан Әлем чемпионатында Португалияға қарсы өткен матчтан кейінгі әсерімен бөлісті.

"Мұны ғажайып деп санамаймын. Себебі біз күн сайын жұмыс істейміз және біз бірнеше рет әдемі өнер көрсеттік. Мен үшін бұл сенсация немесе ғажайып оқиға емес, бірақ бұл өте әдемі жеңіс боллы. Иә, Әлем және Еуропа чемпионын жеңу - керемет жеңіс. Бұл жеңіс бізге күш-қуат береді. Енді Қазақстан Испаниямен болған алғашқы ойынға қарағанда әлдеқайда мықты. Бұл сенсация емес, бұл еңбек пен тәртіптің нәтижесі. Біздің ойынға деген түсінігіміз бар. Бұл лайықты жеңіс", - деп келтіреді Игитаның сөзін vesti.kz спорт-порталы.

Еске сала кетейік, 1/8 финалда Қазақстан құрамасы Португалияны 2:1 есебімен жеңді, ал Игита матчтың үздік ойыншысы атанды.

Танымал жаңалықтар