Футзалдан Әлем Чемпионатының ширек финалында Қазақстанның кіммен ойнайтыны белгілі болды

Футзал 27 қыр 2024 13:48

Аружан Темірбек

sports24 сарапшы

2024 жылғы футзалдан әлем чемпионатының ширек финалында Қазақстан құрамасының қарсыласы белгілі болды. Турнир Өзбекстанда өтуде. Бұл кезеңде Рикардо Кака шәкірттері Аргентинамен кездеседі.

Бүгін, 27 қыркүйек күні, Аргентина 1/8 финалда Хорватияны 2:0 есебімен жеңді. Голдарды Алан Бранди (2-минутта) және Матиас Роса (24-минутта) соқты.

Қазақстан мен Аргентина арасындағы матч 30 қыркүйекте Ташкентте өтеді. 2024 жылғы әлем чемпионатына дайындық аясында Қазақстан мен Аргентина Алматыда жолдастық матч өткізіп, онда алаң иелері 3:2 есебімен жеңіске жеткен болатын.

Айта кетейік, Аргентина құрамасы 2016 жылы Колумбияда өткен Әлем Чемпионатында жеңімпаз атанған.

¼ финалда кездесетін барлық жұптар:

29-қыркүйек: Бразилия - Марокко;

29-қыркүйек: Украина - Венесуэла;

30-қыркүйек: Франция - Парагвай;

30-қыркүйек: Казахстан - Аргентина.