Футзалдан ӘЧ-2024: Аргентина бірінші турда украиналықтарға еш мүмкіндік қалдырмады

Футзал 15 қыр 2024 13:21

Павлив Никита

sports24 сарапшы

15 қыркүйек күні Ташкентте (Өзбекстан) өтіп жатқан 2024 жылғы Әлем чемпионатының C тобындағы 1-тур матчында Украина Аргентинадан 1:7 есебімен ойсырай жеңілді, дегенмен алғаш болып есепті украиналықтар ашты. Жалғыз голды украиналықтар сапынан 18-минутта Шотурма соқты.

Украина және Аргентина құрамаларымен бір топта Ауғанстан мен Ангола құрамалары да бақ сынайды. Бірінші турдың қорытындысы бойынша аргентиналықтар мен ауғанстандықтар 3 ұпайдан жинады, ал Ангола мен Украинаның әзірге ұпайлары жоқ.

ӘЧ-2024. 1-тур

Аргентина - Украина - 7:1 (2:1)

Голдар: Шотурма, 18 (0:1); Бранди, 19 (1:1); Арриета, 20 (2:1); Роса, 21 (3:1); Боруто, 30 (4:1); Арриета, 32 (5:1); Боло, 38 (6:1); Боруто, 40 (7:1)

Украинаның келесі ойыны 18 қыркүйекте Анголаға қарсы болады, матч Астана уақытымен 17:30-да басталады. Аргентина құрамасы да сол күні Ауғанстанмен кездеседі, ойын Астана уақытымен 20:00-де өтеді.

Еске сала кетейік, бұған дейін Қазақстан Испаниядан сенсациялық түрде ұпай тартып алды – 1:1.