ҚФФ Атқару комитеті футзал маусымының қорытындыларын бекітті және комитет құрамын жаңартты

Футзал 20 мау 2025 04:05

Әлім Динасылов

Редактор

2025 жылғы 18 маусымда Қазақстан футбол федерациясының Атқару комитетінің кезектен тыс отырысы сырттай форматта өтті, деп хабарлайды ұйымның ресми сайты. Күн тәртібіне комитет құрылымдары, футзал бойынша жарыс нәтижелері және жаңа регламенттер енгізілді.

Бекітілген күн тәртібіне сәйкес, Атқару комитеті мынадай шешімдер қабылдады:

1. Жекеменшік футбол мектептері мен академиялардың жасөспірім командалары арасында Қазақстан Республикасының футбол чемпионатының регламенті бекітілді.
2. Келесі футзал жарыстарының қорытындылары бекітілді:
   – 2024 жылғы футзалдан Қазақстан Республикасы Суперкубогы;
   – 2024–2025 жылғы футзалдан Қазақстан Республикасы Кубогы;
   – 2024–2025 жылғы футзалдан Бірінші лига командалары арасындағы Қазақстан чемпионаты;
   – 2025 жылғы футзалдан әйелдер командалары арасындағы Қазақстан чемпионаты;
   – 2024–2025 жылғы футзал маусымындағы дайындық топтар (U-13, U-15, U-17, U-19) арасындағы Қазақстан чемпионаттары.
3. Атқару комитетінің отырыстарын өткізу туралы техникалық регламенттің жаңа редакциясы бекітілді.
4. Дауларды шешу палатасының процедуралық ережелерінің жаңа редакциясы бекітілді.
5. Қазақстан футболының ардагерлеріне арналған шәкіртақы тағайындау ережесінің жаңа редакциясы бекітілді.
6. Бақылау, тәртіптік және этикалық комитеттердің құрамына өзгерістер енгізілді (бір мүше тағайындалды), сондай-ақ Апелляциялық комитетке (төраға мен бір мүше) жаңа тағайындаулар жасалды.
   

Бұл шешімдер федерация жұмысының тиімділігін арттыруға, ішкі рәсімдерді нақтылауға бағытталған.

Бірінші лига матчтарына төрешілер мен инспекторлар тағайындалды