Чемпионат көшбасшылары ұпай бойынша теңесті. Футзалдан Қазақстан чемпионатының 38-турының қорытындысы

Футзал 27 сәу 2025 15:32

Нұрбақыт Қадырбаев

Редактор

27 сәуірде футзалдан Қазақстан чемпионатының 38-ші турының үш ойыны өтті.

Күннің алғашқы кездесуінде «Бәйтерек» «Ордабасыдан» есесін қайтарды. Негеба мен Рикардиньо екі голдан соғып, 5:1 есебімен оралдықтарға жеңіс әкелді.

«Жетісу» мен «Каспий» ойынында голдар жауылды. Командалар бірінші матчқа қарағанда екі голға көп соқты – бірден 12 доп салынды. Ойында 7:5 есебімен «Каспий» жеңіске жетті.

«Семей» бірінші ойыннан кейін жиналып, «Атырауды» 3:0 есебімен жеңді. Алғашқы минутта тынымсыз Дедезиньо есеп ашты – бразилиялықтың тұрақты чемпионатта соққан голдарының саны қазірдің өзінде 40-қа жетті. Смақов шәкірттері үш ұпай жинап, «Қайратпен» тең түсті. Бетпе-бет кездесулердің нәтижесінің арқасында семейліктер турнир кестесінде көш бастап тұр.

Футзалдан Қазақстан чемпионаты. 38-тур. 27 сәуір

«Каспий» - «Жетісу» - 7:5

Голдар: Ағаниязов, Автогол, Кенжеғали (дубль), Риси, Эвертон, Қарақулов - Келсон, Финео, Автогол (2), Аллеф.

«Бәйтерек» - «Ордабасы» - 5:1

Голдар: Негуеба (дубль), Рикардиньо (дубль), Да Силва - Байзақов.

«Семей» - «Атырау» - 3:0

Голдар: Дедезиньо, Абдуманапұлы, Родригиньо.