Шарль Леклер Карлос Сайнспен қақтығыс туралы қауесеттерге жауап берді

Формула-1 10 қара 2024 02:51

Аружан Темірбек

sports24 сарапшы

27 жастағы “Феррари” командасының шабандозы Шарль Леклер әлеуметтік желілерде тараған өзінің командаласы Карлос Сайнстың Мексикадағы Гран-при жеңісіне ренжігені және арнайы түрде испандықты жарыстан кейін елемей өтіп кеткені туралы қауесеттерге қатысты өз наразылығын білдірді.

“Мексикадағы жағдайдың қайта көтерілгеніне қуаныштымын, себебі мен әлеуметтік желілерде тараған қауесеттерге қатты ашулымын. Адамдар екі секундтық бейнематериал арқылы қорытынды жасайды. Шын мәнінде, мен Карлосқа алдымен жақындап құттықтадым, ешқандай кернеу болған жоқ, өйткені оның жарыстың басында не сұрағанынан мүлдем хабарым болмады (Сайнс жарыстың басында Леклердің қарқынының өзіне қатты күш түсіріп, дөңгелектерді тоздыратынына шағымданған болатын)”, – деп мәлімдеді Леклер PlanetF1 басылымына берген сұхбатында.

Еске сала кетейік, Сайнс Мексикадағы жарыста поул-позициядан бастап жеңіске жетті. Леклер жарыстың көп бөлігін екінші орында өткізгенімен, финишке жақындағанда қателік жіберіп, Норриске екінші орынды беріп қойды.