Шарль Леклер чемпиондық мүмкіндігі жайлы: "Маған біраз сәттілік қажет болады"

Формула-1 23 қаз 2024 04:29

Аружан Темірбек

sports24 сарапшы

“Феррари” командасының авто шабандозы Шарль Леклер Формула-1-дің қазіргі маусымында чемпион атану мүмкіндігі туралы пікір білдірді.

“Менің мүмкіндіктерім қандай? Ешқашан ештеңке болмайды деп айтпа, бірақ Конструкторлар кубогына қарағанда, пилоттар жарысында жеңіске жету үшін маған біраз сәттілік қажет болады”,– деп келтіреді Леклердің сөзін FormulaPassion.

Естеріңізге сала кетейік, Шарль жуырда АҚШ Гран-приінде жеңіске жеткен болатын. Қазіргі таңда Леклер жалпы пилоттар есебінде 275 ұпаймен үшінші орында тұр. Екінші орында “Макларен” пилоты Ландо Норрис (297 ұпай), ал чемпионат көшбасшысы “Ред Булл” пилоты Макс Ферстаппен (354 ұпай) болып табылады.