Оскар Пиастри Ред Буллға ауысады деген қауесетті жоққа шығарды және Макларенге адалдығын білдірді
“Макларен” командасының аустралиялық шабандозы Оскар Пиастри менеджері Марк Уэббердің оны 2026 жылға қарай “Ред Буллға” ауыстыруды қарастырып жатқаны туралы соңғы қауесеттерге түсініктеме берді.
“Ондай ештеңе жоқ. Мен өз командам сапында бақыттымын. Менімен қазіргі маусымнан кейін тағы екі жылға келісімшарт жасалған, сондықтан басқа жаққа қараудың қажеті жоқ.
Формула-1-де Хельмуттан қандай да бір пікір айтылмайтын апта өтпейді. Сондықтан мені мұндай алып-қашпа әңгімелер таңғалдырмайды. Мұны комплимент деп қабылдаймын. Бірақ тағы да қайталап айтамын, мен қазіргі орнымда қуаныштымын. “Ред Буллдың” өздерінің тамаша шабандоздары бар, қажет болса, солардың ішінен таңдай алады”, – деп Пиастридің сөзін Racingnews365 келтіреді.
Қазіргі уақытта Оскар Пиастри 247 ұпай жинап, 2024 жылғы Формула-1 чемпионатының жалпы есебінде төртінші орында тұр.
Футбол
Бүгін 07:38
Басқа спорт түрлері
Бүгін 05:25
ММА
Бүгін 03:20