Макс Ферстаппен енді бірінші емес: оның рекордтық үстемдігі бұзылды
16 наурыз күні Аустралияда 2025 жылғы Формула-1 маусымының алғашқы жарысы өтті. Күрделі ауа райы жағдайы – құрғақ трассадан жаңбырлы ауа райына дейін өзгеріп отыруы шабандоздардың көлік басқаруына айтарлықтай әсер етті. Осы жағдайдан бес шабандоз жарысты аяқтай алмады, ал тағы бірі стартқа да шықпады.
Жарыста поул-позициядан шыққан Ландо Норрис сенімді жеңіске жетті. Одан кейін Макс Ферстаппен екінші болып мәре сызығын кесіп, ұзақ уақыттан кейін көшбасшы позициясын жоғалтты.
Бұл маусымның алғашқы жарысы болғандықтан, Норрис автоматты түрде Формула-1-дің жалпы есебінде бірінші орынға шықты, осылайша Ферстаппеннің тарихи рекордын тоқтатты. Осы жарысқа дейін Ферстаппен үздіксіз 1029 күн бойы Формула-1-дің жалпы есебінде бірінші орында тұрды. Ол бұл орынды 2022 жылғы Испания Гран-приінен бері ешкімге бермеген.
Бұл – Формула-1 тарихындағы ең ұзақ көшбасшылық кезең. Бұған дейінгі рекорд Михаэль Шумахерге тиесілі еді, ол 2000-2003 жылдар аралығында 896 күн бойы чемпионат көшбасшысы атанған.
