Макс Ферстаппен чемпиондық саны бойынша Формула-1 аңыздарына теңесті

Формула-1 Кеше 23:58

Аружан Темірбек

sports24 сарапшы

Нидерландтық шабандоз Макс Ферстаппен “Формула-1” чемпиондық атақтарының саны бойынша француз Ален Прост және неміс Себастьян Феттельмен теңесті.

Жексенбі күні 27 жастағы “Ред Булл” командасының спортшысы Лас-Вегаста өткен Гран-при кезеңінде бесінші болып мәре сызығын кесіп, 2024 жылғы маусымның чемпионы атанды.

Бұл Ферстаппеннің қатарынан төртінші чемпиондық атағы. Бұған дейін төрт реттен чемпион атанғандар қатарында Ален Прост (1985, 1986, 1989, 1993) және Себастьян Феттель (2010, 2011, 2012, 2013) бар.

Чемпиондық атақтар саны бойынша көшбасында британдық Льюис Хэмилтон мен неміс Михаэль Шумахер тұр (жеті рет), ал аргентиналық Хуан Мануэль Фанхио бес рет чемпион болған.