Макс Ферстаппен британдық БАҚ жайлы: "Мен мансабымда көбінесе британдық шабандоздармен күрестім"

Формула-1 Кеше 13:44

Аружан Темірбек

sports24 сарапшы

“Ред Булл” командасының шабандозы Макс Ферстаппен британдық БАҚ туралы сұраққа жауап берді. Өткен Формула-1 маусымында нидерландтық спортшы өзінің “дұрыс емес азаматтығы” туралы әзіл айтып, британдық спорттық басылымдардың тарапынан болатын әділетсіздікке назар аударған еді.

“Мені тиісті деңгейде бағаламайды деп сезінемін бе? Мәселе мойындауда емес, трассада орын алатын кейбір жағдайларда, сол арқылы сені кейде әділетсіз сипаттап жатады. Әрине, мен мансабымда көбінесе британдық шабандоздармен күрестім,” – деп Ферстаппеннің сөзін Sportskeeda басылымы келтіреді.

Еске салайық, Макс Ферстаппен өткен Формула-1 маусымының чемпионы атанған болатын.