Ландо Норрис жаңа рекорд орнатты: Макларен сапында ең көп ұпай жинады
Британдық авто шабандоз Ландо Норрис “Макларен” команда сапында ең көп ұпай жинап, жаңа рекорд иегері атанды.
Остинде өткен “Формула-1” АҚШ Гран-приінде Норрис негізгі жарыста төртінші орын алып, өз есебіне 18 ұпай қосты. Осылайша, 24 жастағы спортшының “Макларен” сапында жинаған жалпы ұпайы саны 930-ға жетті.
Ландо Норрис осы көрсеткішпен отандасы Льюис Хэмилтонның рекордын жаңартты, ол “Макларен” үшін 913 ұпай жинады. Айта кетсек, 39 жастағы Хэмилтон, қазір “Мерседес” командасында өнер көрсетіп жүр, ол 2024 жылғы АҚШ Гран-приінде үшінші айналымда жарыстан шығып қалды.
Норрис “Макларен” командасында Хэмилтон секілді алтыншы маусымын өткізуде. Алайда, Хэмилтонның 2007-2009 жылдардағы алғашқы үш маусымында “Формула-1” жарысында жеңіске 25 ұпай емес, бар болғаны 10 ұпай ғана берілетін.
Қазіргі маусымда Ландо Норрис жеке есепте 297 ұпаймен екінші орында тұр. Ол “Ред Булл” командасынан Макс Ферстаппеннен 57 ұпайға артта қалуда. Льюис Хэмилтон 177 ұпаймен алтыншы орында орналасқан.
Хоккей
Бүгін 01:50
Футбол
Бүгін 01:35