Гуаньюй Чжоу Кик-Зауберде қалады: Сейвуд Ферраридің алдағы уақыттағы жоспарларын айтты

Формула-1 Бүгін 06:02

Аружан Темірбек

sports24 сарапшы

Британдық автоспорт журналисі әрі сарапшысы Джо Сейвуд “Кик-Заубер” командасының қытайлық шабандозы Гуаньюй Чжоу 2025 жылы “Феррари” командасының резервтік шабандозы болады деген қауесеттерді жоққа шығарып, бұл орынға кімнің тағайындалатынын айтты.

““Феррари” Гуаньюй Чжоуға резервтік шабандозы болу туралы ұсыныс жасап жатқан жоқ. Әділдік үшін айта кетейін, кейде команданың бір бөлімі басқа бөлімдердің немен айналысып жатқанын білмей қалуы мүмкін. Алайда 2025 жылы “Феррари” резервтік шабандозы болып Оливер Берман тағайындалады”, – деп жазды Сейвуд өз блогында.

Чжоу үшін 2024 жыл Формула-1-дегі үшінші маусым болды. Ол “Альфа Ромео” командасына 2021 жылдың соңында қосылған еді. Алғашқы екі маусымда қытайлық спортшы “Корольдік жарыстарда” 12 ұпай жинады (2022 жылы алты, 2023 жылы алты ұпай). Алайда қазіргі маусымда “Кик-Заубер” командасы мен Чжоу әлі ұпайсыз келеді.

Ферстаппен Норристі өз командасына шақырғанын мойындады.