Ферстаппен Норристі өз командасына шақырғанын мойындады

Формула-1 Бүгін 07:21

Аружан Темірбек

sports24 сарапшы

Төрт дүркін Әлем чемпионы Макс Ферстаппен “Макларен” командасының шабандозы Ландо Норристі бір кездері өз командасына шақырғанын еске алды.

“Мен Ландомен бұған дейін көп уақыт өткіздім. Мен жеңіске жетіп, ол әлі жетістікке жете қоймаған кезде, мен оған үнемі: “Сенің уақытың келеді. Өз бағытыңды ұстан. Мен сенің жақсы командалық жағдайда екеніңді білемін”, — деп айтатынмын.

Мен оны өзімнің серіктесім болуға шақырып, “Егер жеңіске жеткің келсе, біздің командаға келуіңе болады”, — дедім.

Мен оның жетістіктеріне қуаныштымын. Оның маусымы керемет өтті. Әрине, бәрі ойдағыдай болмады, бірақ бұл — әр спортшының жүретін жолының бір бөлігі. Қателіктер жасайсың, олардан сабақ аласың. Бастысы — сол қателіктерден кейін қалай ес жинайсың.

Біз дос болып қалдық, бірақ ең жақын достар емеспіз. Мен оған күнде қоңырау шалмаймын. Екеуіміздің де өз жақын достарымыз бар — бұл қалыпты жағдай, солай ғой? Бірақ мен оны қатты құрметтеймін”, — деп келтіреді Ферстаппеннің сөзін racingnews365 порталы.

Айта кетейік, голландиялық шабандоз Макс Ферстаппен биылғы маусымда “Формула-1” чемпионы атағын мерзімінен бұрын жеңіп алды. Лас-Вегастағы (АҚШ) Гран-приде Макс бесінші орынға ие болып, жеңімпаздан 16,582 секундқа қалып қойды, ал Ландо мәреге 43,385 секундтық айырмашылықпен келді.

Формула-1. Араға 10 жыл салып қатарға жаңа команда қосылады.