Ферстаппен McLaren командасына ауысу жайлы сыбыстарға әзілмен жауап қатты
«Формула-1»-дің төрт дүркін әлем чемпионы, Red Bull командасының көшбасшысы Макс Ферстаппен басқа командаға ауысу мүмкіндігі туралы әзілмен пікір білдірді.
«Мен қазір Red Bull сапында не істеп жатқаныммен өте ризамын. Бірақ басқа көлікке отырсам не боларын елестете де алмаймын», - деді Ферстаппен Viaplay арнасына берген сұқбатында.
Ал McLaren көлігіне отырсаңыз не болар еді деген сауалға Макс өзіне тән қалжыңмен жауап берді.
«Егер мен олардың болидінде отырсам, трассада мені көрмей де қалар едіңіздер. Мен әлдеқашан Токиоға жетіп қояр едім!»
Макс Ферстаппен 2025 жылғы маусымда да өз үстемдігін жалғастырып келеді. Жапонияда өткен Гран-при кезеңінде ол поул-позициядан старт алып, сенімді жеңіске жетті. Бұл нәтиже оның чемпиондық жарыстағы басты фаворит екенін тағы бір мәрте дәлелдеді.
