Ферстаппен қайтадан жеңіс тұғырында: Бразилия Гран-приіндегі жеңіс чемпионаттағы орнын нығайтты

Формула-1 04 қара 2024 04:26

Аружан Темірбек

sports24 сарапшы

Формула-1 автожарысындағы Әлем чемпионы Макс Ферстаппен Бразилия Гран-приінің жеңімпазы атанды. Нидерландтық “Ред Булл” командасының шабандозы Сан-Паулудағы “Интерлагос” автодромының 71 айналымын бірінші болып өтті.

Екінші және үшінші орындарды француздар Эстебан Окон мен Пьер Гасли иеленді. Екі жарысушы да “Альпин” командасының өкілдері.

Ферстаппеннің жеке есептегі ең жақын қарсыластары, “Феррари” командасынан Монако өкілі Шарль Леклер және “Макларен” командасынан британдық Ландо Норрис бесінші және алтыншы орындарға ие болды.

Чемпионат қорытындысында Ферстаппен 392 ұпай жинап, Норристен 61, ал Леклерден 85 ұпай алда келеді. Келесі кезең Лас-Вегаста 24 қарашада өтетін Гран-при болмақ.